首頁 / 商場指南 / 屯門市廣場 / 屯門市廣場「風雲盛世賀新禧」 群星拱照馬Sir經典
屯門市廣場「風雲盛世賀新禧」 群星拱照馬Sir經典

日期: 2017年1月9日 - 2月14日

地址:屯門屯順街1號屯門市廣場  

試問有邊位未睇過馬榮成經典作《風雲》?《風雲》早已跳出漫畫平面空間,除左走入電視、電影及網絡遊戲之外,今個新年仲走入屯門市廣場。想同1:1步驚雲和聶風影相?想睇馬Sir的《風雲》珍藏品?快啲嚟屯門市廣場「風雲盛世賀新禧」活動喇喂!

 

話說,今年四月紅館將會上演《風雲5D音樂劇》,好大卡士㗎,有呂良偉、鄭嘉穎、謝天華、譚耀文、黎耀祥、鄭丹瑞、閻奕格及胡琳等一同主演!而屯門市廣場的「風雲盛世賀新禧」推廣活動可說是預演《風雲5D音樂劇》,將《風雲》經典故事場景搬到商場,等各位可以感受5D音樂劇效果。究竟何謂5D?聽覺、視覺、嗅覺、觸覺及體感,即是有得睇,有得玩啦!即刻睇睇有咩《風雲》元素先,登登登櫈!